seuksa, Author at Seuksa Official Blog

BACII 2014 – Cambodia – All Results by MoEYS

Here is the brief overview of the result of high school exam this year in Cambodia for all 24 cities/provinces.

Remark: The result are from MOEYS of Cambodia’s facebook page. The original links of MOEYES’s facebook post attached at the end of the article. (Updated 31/08, 1AM)

The re-exam for those failed will be on 13th October, good luck.

(Updated 31/08, 1AM): Here are the original links from Ministry of Education:

Post by MoEYS Cambodia.

Cambodia & Education | seuksa | August 30, 2014 | 1 Comment | 2014 BAC Bac II Cambodia Exam High School

BACII 2014, 25.72% Passed – 11 students in Grade A, 289 in Grade B

Quick result from Education Minister, there are 25.72% passed the high school exam which is 23126 students among 89937 candidates with grade A of 11 students and grade B has 289 students, Grade C has 800, D has 1832 and E has 20000 according to Sabay News (Updated).

Among grade A, there are 3 students in Phnom Penh and the rest from different provinces.

Congratulations!

រដ្ឋមន្ត្រី ក្រសួងអប់រំ យុវជន និងកីឡា ឯកឧត្ដម ហង់ ជួនណារ៉ុន បានផ្ដល់បទសម្ភាសតាមទូរទស្សន៍ឯកជនមួយថា សិស្សជាប់និទ្ទេស A ទូទាំងប្រទេសមាន ១១ នាក់។ ចំណោម ១១នាក់ នេះមាន ៣នាក់នៅភ្នំពេញ ក្រៅពីនោះនៅខេត្តនិងក្រុងផ្សេងៗ។ រីឯនិទ្ទេស B សរុបមាន២៨៩នាក់។ C ៨០០ នាក់ D ១៨៣២នាក់ និង E មាន ២០ ០០០ នេះបើតាមវេបសាយសប្បាយ។ រីឯបរិមាណអ្នកជាប់សរុបមាន ២៥,៧២% ដែលមានសិស្ស ២៣១២៦នាក់ នៃចំនួនបេក្ខជនសរុបជិត ៩ម៉ឺននាក់។

សូមអបអរសាទរ!

Update:

According to Sabay News, Grade B is not 900

Cambodia & Education | seuksa | August 29, 2014 | Leave a comment | 2014 Bac II Cambodia Exam High School

34ឆ្នាំ នៃការប្រឡងបាក់ឌុប (1980-2013)

អរគុណ Sabay News ដែលជួយរកព័ត៌មាននេះ ដែលខ្ញុំព្យាយាមស្វែងរកកន្លងមកផងដែរ។ ហេតុនេះ សូមលើកយកទិន្នន័យដ៏សំខាន់នេះ (១៩៨០-២០១២) រួមនឹងឆ្នាំប្រឡងចុងក្រោយកាលពី ២០១៣ ទុកជាការស្វែងយល់ពីប្រវត្តិនៃការប្រឡងបាក់ឌុបទាំង ៣៤ឆ្នាំ។

បើយោងតាមតារាងលទ្ធផលបេក្ខជនប្រឡងជាប់សញ្ញាប័ត្រមធ្យមសិក្សាទុតិយភូមិ (បាក់ឌុប) ពីឆ្នាំ១៩៨០ដល់ឆ្នាំ២០១២ ចុះហត្ថលេខា និងវាយត្រាដោយលោក អ៊ឹង ង៉ោហុក ប្រធាននាយកដ្ឋានមធ្យមសិក្សាចំណេះទូទៅ ឃើញថា មានឆ្នាំមួយចំនួនគួរឲ្យកត់សំគាល់។

នៅឆ្នាំ១៩៨០ ភាគរយបេក្ខជនជាប់បាក់ឌុបមានកម្រិតខ្ពស់។ បើទោះបីទើបចេញពីរបបខ្មែរក្រហម បេក្ខជនប្រឡងបាក់ឌុបជាប់រហូតដល់៨៧.៨០ភាគរយ ប៉ុន្តែបើមើលចំនួននៃបេក្ខជនមកប្រឡងវិញ មានតែ៨២នាក់ ហើយក្នុងនោះធ្លាក់តែ១០នាក់ប៉ុណ្ណោះ។

ក្នុងឆ្នាំ១៩៨២ ភាគរយបេក្ខជនប្រឡងជាប់បាក់ឌុបឡើងខ្ពស់ខ្លាំង គឺដល់៩៥.១២% ឬក្នុងចំណោមបេក្ខជន១៦៤នាក់ មាន១៥៦នាក់ប្រឡងជាប់។ នៅចន្លោះឆ្នាំ១៩៩៤ និងឆ្នាំ១៩៩៩ ការប្រឡងបាក់ឌុបសុទ្ធតែមានពីរលើកទាំងអស់។

ឆ្នាំដែលធ្លាក់បាក់ឌុបខ្លាំង គឺ១៩៩៤។ បេក្ខជនប្រឡងបាក់ឌុបជាប់បានតែ៤.២២ភាគរយប៉ុណ្ណោះ ឬបេក្ខជន១៧៧៨៣នាក់ ជាប់បានតែ៧៥១នាក់។ ក្នុងឆ្នាំសិក្សានេះ គេសង្កេតឃើញមានព្រឹត្តិការណ៍ដ៏សំខាន់មួយ នោះគឺការបោះឆ្នោតរៀបចំដោយអ៊ុនតាក់។

សម្រាប់លទ្ធផលប្រឡងបាក់ឌុបឆ្នាំផ្សេងៗទៀត សូមមើលតារាងខាងក្រោម៖

ក្រៅពីឯកសារផ្លូវការខាងលើ ឆ្នាំសិក្សា ២០១២ – ២០១៣ មានបេក្ខជនចំនួន 105 297នាក់ ប្រឡងជាប់មានចំនួន 91 370នាក់ ត្រូវនឹង 86.77%។

Cambodia & Education | seuksa | August 12, 2014 | Leave a comment | Bac II Cambodia High School Statistic

BACII 2014: Overall comments from Teachers – Mostly Failed

There are some comments from teachers on their facebook who did the correction for high school exam this year.

Overall comment from their corrections:

Maths: The correction found score only between 0-55
Biology: Among 700 students, only 30 students passed from his correction
Physics: 70% of students did wrong in Physics
Chemistry: Among 4 packs of papers, only 4 students passed. Mostly students got score between 0 to 10

—

Thanks CamboMaths for Sharing

Cambodia & Education | seuksa | August 11, 2014 | Leave a comment | 2014 Bac II Cambodia High School Opinion

The Post: បងប្អូនស្រីបីនាក់ សុទ្ធតែជាសិស្សពូកែមេដាយមាសទូទាំងប្រទេស

យុវតីលី ច័ន្ទមករា កញ្ញា លី សិរីរ័ត្ន និងកញ្ញា លី សុកញ្ញា មានស្រុកកំណើតនៅខេត្តបាត់តំបង សុទ្ធសឹងជាអតីតសិស្សពូកែទូទាំងប្រទេសទទួលបានមេដាយមាសម្នាក់មួយៗ។

សុកញ្ញា បាននិយាយថា ប្អូនតែងតែរៀនធ្វើលំហាត់ដោយខ្លួនឯង និងស្រាវជ្រាវលំហាត់បន្ថែមលើប្រព័ន្ធ អ៊ីនធឺណិត ព្រមទាំងធ្វើលំហាត់ចាស់ៗដែលធ្លាប់ប្រឡងចេញពីមុនមក។ បើសិនជាប្អូនស្រីជួបនូវលំហាត់ដែលមិនអាចដោះស្រាយបាន ប្អូនបានសួរលោកគ្រូអ្នកគ្រូ និងសិស្សច្បង ឬក៏មិត្តភក្តិប្អូនដែលអាចដោះស្រាយបាន។

កញ្ញា សិរីរ័ត្ន ក៏បានបញ្ជាក់ថា វាមិនមែនជារឿងងាយស្រួលទេដើម្បីធ្វើឲ្យខ្លួនក្លាយជាសិស្សពូកែផង និងប្រឡងមធ្យមសិក្សាបាននិទ្ទេសល្អផង។ កញ្ញាបន្តថា៖ «ខ្ញុំត្រូវចេះបែងចែកពេលវេលាសម្រាប់ការសិក្សាមុខវិជា្ជនីមួយៗឲ្យបានល្អ។ ពេលថ្ងៃខ្ញុំត្រូវរៀននៅសាលារដ្ឋ ដូច្នេះមានតែពេលយប់ប៉ុណ្ណោះដែលខ្ញុំមានពេលរៀនដោយខ្លួនឯង»។ សិរីរ័ត្ន បានបន្ថែមទៀតថា៖ «ដើម្បីឲ្យក្លាយជាសិស្សពូកែមិនមែនរៀនត្រឹមមួយឆ្នាំនៅថ្នាក់ទី១២ទេ យើងត្រូវត្រៀមខ្លួនទុកជាមុន»។

អានអត្ថបទទាំងមូលនៅភ្នំពេញប៉ុស្តិ

Cambodia & Education | seuksa | August 9, 2014 | Leave a comment | Cambodia High School Outstanding

រដ្ឋមន្ត្រីក្រសួងអប់រំ៖ យើងចង់ផ្លាស់ប្តូរឥរិយាបថ សិស្សានុសិស្ស

មួយឃ្លារបស់រដ្ឋមន្ត្រីក្រសួងអប់រំ ហង់ ជូនណារ៉ុន ពិតជាមានន័យ៖

ខ្ញុំចង់ជំរាបថា អ្វីដែលក្រសួងអប់រំ កំពុងធ្វើនៅក្នុងក្របខណ្ឌ កំណែទម្រង់នេះ គឺយើងចង់ផ្លាស់ប្តូរ ឥរិយាបថ សិស្សានុសិស្ស ពីការលួចចម្លង មកជាការគិតពិចារណា ប្រឹងប្រែងសរសេរចម្លើយដោយខ្លួនឯង នៅលើក្រដាសវិញ្ញាសា។ ដូច្នេះខ្ញុំសូមផ្ញើសារទៅពួកគេ ដោយលើកទឹកចិត្តអោយពួកគេខិតខំនិងប្រឹងប្រែងពិចារណាសរសេរចម្លើយដោយខ្លួនឯង ទោះតិចក្តី ច្រើនក្តី នោះពួកគេនឹងទទួលបានលទ្ធផលល្អប្រសើរជាងការលួចចម្លង។

ក្នុងនាម វេបសាយ សិក្សា (Seuksa) ខ្ញុំសូមគាំទ្រ និងសូមអោយមានការអនុវត្តបានត្រឹមត្រូវបំផុត។

Opinion & Reflection | seuksa | August 4, 2014 | Leave a comment | 2014 Bac II Exam High School Opinion

អ្វីដែលត្រូវដឹងពី បាក់ឌុប ឆ្នាំ២០១៤ នេះ

ដូចអ្វីដែលខ្ញុំធ្លាប់បានបញ្ចេញយោបល់នៅក្នុងអត្ថបទមុន ឆ្នាំប្រលងឆ្នាំនេះ ជាចំនុចដ៏រសើបរបស់ក្រសួងអប់រំ។ គិតចាប់តាំងពីដើមឆ្នាំមក មានកំណែទម្រង់បែបបទប្រឡងជាច្រើន ពិសេសសង្កត់ធ្ងន់លើភាពមិនប្រក្រតីក្នុងពេលប្រឡង ការបង្កើនប្រាក់ឧបត្ថម្ភដល់គ្រូដែលចូលរួមការប្រលង ការរឹតបន្តឹងច្បាប់បញ្ញត្តិ និងការដាក់វិន័យផ្សេងៗចំពោះការប្រព្រឹត្តិខុសច្បាប់ជាដើម។

ទិដ្ឋភាពទូទៅឆ្នាំនេះ

ការប្រលងបាក់ឌុបទូទាំងប្រទេសឆ្នាំនេះនឹងធ្វើនៅថ្ងៃ ទី៤និងទី៥ សីហា ដែលមានបេក្ខជនប្រលងសរុបចំនួន ៩៣ ៤៥៧នាក់ និងមានមណ្ឌលប្រឡងចំនួន ១៥៤មណ្ឌល ចែកចេញជា ៣ ៧៧៩បន្ទប់ នៅរាជធានី ខេត្តទូទាំងប្រទេស នៃព្រះរាជាណាចក្រកម្ពុជា។ ហើយការប្រកាសលទ្ធផលនៅតាមមណ្ឌលនីមួយៗ នឹងប្រព្រឹត្តិទៅនៅរសៀលថ្ងៃទី ២៩ ខែសីហា សម្រាប់មណ្ឌលប្រលងនៅរាជធានីភ្នំពេញ និងថ្ងៃទី៣០ ខែសីហា សម្រាប់មណ្ឌលប្រឡងនៅខេត្តផ្សេងៗទៀត។ [Ref]

ថ្នាក់ទី១២ ចាប់តាំងពីឆ្នាំ ២០១០មក ត្រូវបានបែកចែកការសិក្សា និងការប្រលងជាពីរក្រុមផ្សេងគ្នាមានដូចជា៖

ផ្នែក វិទ្យាសាស្ត្រ៖ ពាក់ព័ន្ធនឹងរូបមន្ត ឬគុនគូរលេខ មានដូចជា មុខវិជ្ជា គីមី ជីវៈ រូប ភាសាខ្មែរ គណិត ភាសាបរទេស និង ប្រវត្តិវិទ្យា (មុខវិជ្ជាជម្រើសដែលចាប់ឆ្នោតបាន)
ផ្នែក សង្គម៖ សម្បូរដោយមុខវិជ្ជាមេរៀន និង ទ្រឹស្ដី មានដូចជា គណិត ភូមិវិទ្យា ប្រវត្តិវិទ្យា អក្សរសាស្ត្រខ្មែរ សីលធម៌ ភាសាបរទេស និង រូបវិទ្យា (មុខវិជ្ជាជម្រើសដោយចាប់ឆ្នោតបាន)

បើតាមប្រព័ន្ធផ្សព្វផ្សាយផ្សេងៗបានអោយដឹងថា សិស្សថ្នាក់ទី១២ឆ្នាំនេះភាគច្រើន បានជ្រើសរើសយកផ្នែក វិទ្យាសាស្ត្រ។

សិស្សឆ្នាំនេះ ត្រូវមានពិន្ទុប្រលងឆមាសទាំងពីរ យ៉ាងហោចណាស់ ២៥% ដើម្បីមានសិទ្ធិអាចចូលរួមប្រលងបាក់ឌុបថ្នាក់ជាតិបាន ហើយពិន្ទុនោះមិនត្រូវបានយកមកបូកជាមួយពិន្ទុពេលប្រឡងថ្នាក់ជាតិឡើយ។ នេះជាលក្ខខណ្ឌមួយដែលមិនធ្លាប់មានពីមុនមកទេ ក្នុងរវាងជាងមួយទសវត្សសម្រាប់ការប្រឡងទុតិយភូមិកន្លងមក។

លើសពីនេះទៀត តាមលទ្ធផលចាប់ឆ្នោតនៅក្រសួង សិស្សផ្នែកវិទ្យាសាស្ត្រត្រូវប្រលងបន្ថែមមុខវិជ្ជាប្រវត្តិវិទ្យា ឯសិស្សផ្នែកសង្គមថែមរូបវិទ្យា មុនវិជ្ជាបន្ថែមនេះគឺសម្រេចថែមតែប្រហែលជាង១ខែកន្លះមុនប្រឡងប៉ុណ្ណោះ គឺកាលពីថ្ងៃទី២០មិថុនាថ្មីៗនេះ។

ចំណែកខាងការគ្រប់គ្រងវិញ អង្គភាពប្រឆាំងអំពើពុករលួយរបស់រដ្ឋនឹងទទួលខុសត្រូវ តាមដាន និងអនុវត្តរាល់អំពើពុករលួយក្នុងការប្រឡង ហើយថ្មីៗនេះដែរ ក៏មានការប្រកាសអោយដឹង ឬរម្លឹកពីបទបញ្ញត្តិមួយអំពីការប្រើប្រាស់ ឬយកមកតាមខ្លួននូវទូរស័ព្ទទំនើប គឺបេក្ខជននឹងត្រូវបញ្ឈប់ការប្រឡង និងកំណត់ថាធ្លាក់តែម្តង។ ហើយក៏មានការចូលរួមពីក្រុមអង្កេតការពីសង្គមស៊ីវិលផ្សេងៗផងដែរ។

មើលទៅវាមិនខុសពីពាក្សដែលគេថា៖ “អ្នកចេះបានជាប់” នោះទេ

សូមប្អូនសិស្សានុសិស្សទាំងអស់ ត្រៀមខ្លួនអោយបានល្អ និងជៀសវៀងការប្រព្រឹត្តិខុសច្បាប់អោយខានតែបាន។

ទស្សនៈខ្ញុំ

បើក្រឡែកមើលពីការអប់រំទូទៅនៅប្រទេសកម្ពុជា ត្រូវការទាំងកំណែទម្រង់ និងពង្រឹងការអនុវត្ត រួមទាំងការយកចិត្តទុកដាក់ផ្សេងទៀតចំពោះជីវភាពគ្រូបង្រៀនជាទូទៅ ដែលជាចំនុចគ្រឹះនៃការផ្លាស់ប្តូរដ៏ពិតប្រាកដសម្រាប់ជាតិ។

ខ្ញុំនឹងបន្តតាមដានមើល៍ថាតើការប្រឡងឆ្នាំនេះត្រឹមត្រូវប៉ុណ្ណា? បើទោះជាការផ្លាស់ប្តូរខាងលើនេះ លឿនឬទាន់ហន់ជ្រុលមែន តែវាក៏ជាចំនុចដែលយើងអាចមើលឃើញភ្លាមៗថាតើក្រសួងអប់រំមានឆន្ទះ អនុវត្តកម្រិតណាដែរ?

យើងទាំងអស់គ្នា ដើម្បីការអប់រំ
ការអប់រំ ដើម្បីយើងទាំងអស់គ្នា

—

អត្ថបទពី ការប្រឡងបាក់ឌុប
វេបសាយក្រសួងអប់រំ៖ http://www.moeys.gov.kh/kh/
ហ្វេសប៊ុកក្រសួងអប់រំ៖ https://www.facebook.com/moeys.gov.kh

Cambodia & Education | seuksa | July 26, 2014 | Leave a comment | 2014 Bac II Exam High School Opinion

ការលួចចម្លងដែលកំពុងចាក់ឫសក្នុងសង្គមខ្មែរ គឺជាសត្រូវនៃគំនិតច្នៃប្រឌិត

សូមលើកយកអត្ថបទទាំងស្រុងរបស់ RFI អំពីទស្សនៈនៃការលួចចម្លង ទោះក្នុងការប្រលង ឬអាជីវកម្ម ទុកជាការពិចារណាទាំងអស់គ្នា ដែលមានខ្លឹមសារទាំងស្រុងដូចតទៅ៖

នៅក្នុងប្រទេសកម្ពុជា នៅពេលណាដែលការប្រឡងធំៗ ដូចជា ការប្រឡងបាក់ឌុប ឬប្រឡងឌីប្លូម ជាដើម ជិតឈានចូលមកដល់ បញ្ហាបែកធ្លាយវិញ្ញាសារ ឬការលួចចម្លងគ្នា តែងតែចោទឡើងជាប្រចាំ។ ការលួចចម្លង ដែលជាមេរោគសង្គមស៊ីរូងបំផ្លិចបំផ្លាញគំនិតច្នៃប្រឌិត ទាំងនៅក្នុងជីវិតសិក្សា និងនៅក្នុងការប្រកបរបរអាជីព។

នៅកម្ពុជា វប្បធម៌នៃការលួចចម្លងមិនមែនកើតមានឡើងតែនៅក្នុងសាលារៀននោះទេ តែវាបានក្លាយជាផ្នត់គំនិតដែលចាក់ឫសយ៉ាងជ្រៅក្នុងសង្គមខ្មែរ ចាក់ឫសយ៉ាងជ្រៅរហូតធ្វើឲ្យមនុស្សភាគច្រើនយល់ថា ការលួចចម្លង គឺជារឿង “ធម្មតា” ហើយភ្លេចគិតថា វាជាបញ្ហាដ៏គ្រោះថ្នាក់មួយ។

តាមពិត ការលួចចម្លងមិនមែនគ្រាន់តែបង្កផលប៉ះពាល់ទៅដល់គុណភាពអប់រំនៅសាលាប៉ុណ្ណោះទេ ក៏ប៉ុន្តែ វាអាចបង្កផលប៉ះពាល់ធ្ងន់ធ្ងរទៅដល់សង្គមទាំងមូល ពីព្រោះថា ទម្លាប់នៃការលួចចម្លងនេះវាអាចបន្តដក់ជាប់នៅក្នុងផ្នត់គំនិតសិស្សម្នាក់ៗ រហូតដល់ក្រោយពេលបញ្ចប់ការសិក្សា ហើយចេញប្រកបរបរចិញ្ចឹមជីវិត។

កាលពីនៅសាលា គេនាំគ្នាលួចចម្លង ដើម្បីបានពិន្ទុល្អ បានឡើងថ្នាក់ និងបានសញ្ញាបត្រ ហើយនៅក្រោយពេលចេញពីសាលា គេនាំគ្នាបន្តលួចចម្លង ដើម្បីធ្វើអាជីវកម្ម។

នៅក្នុងពេលបច្ចុប្បន្ននេះ គេសង្កេតឃើញថា ការធ្វើអាជីវកម្មខាងបទភ្លេងនិងចម្រៀង នៅក្នុងប្រទេសកម្ពុជា ពឹងផ្អែកស្ទើរតែទាំងស្រុងទៅលើការថតចម្លង ទាំងការចម្លងតាមស្នាដៃចាស់ៗដែលមានស្រាប់ពីមុន និងជាពិសេស គឺការចម្លងពីបរទេស។

ការចម្លងស្នាដៃរបស់អ្នកដទៃក៏តែងតែកើតមានជារឿយៗដែរ នៅក្នុងចំណោមអ្នកនិពន្ធ ហើយសូម្បីតែអ្នកសារព័ត៌មានមួយចំនួនក៏ចូលចិត្តចម្លងស្នាដៃគេមកដាក់ឈ្មោះខ្លួនឯងផងដែរ ទាំងការចម្លងទាំងស្រុង ឬការដកស្រង់ផ្នែកណាមួយ ដោយមិនបញ្ជាក់ប្រភពដើម។

រីឯនៅក្នុងការធ្វើជំនួញវិញ ការរកស៊ីតាមគ្នា ក៏ជាទម្លាប់មួយដែររបស់ពាណិជ្ជករខ្មែរ។ ជាទូទៅ គេសង្កេតឃើញថា ឲ្យតែមានអ្នកណាម្នាក់រកស៊ីលក់ដូរអ្វីបានកាក់កប អ្នកផ្សេងៗទៀតក៏នាំគ្នាសម្រុកមករកស៊ីរបរនោះដែរ ដោយមិនសូវជានាំគ្នាគិតគូររកគំនិតរកស៊ីអ្វីថ្មីនោះទេ។ លទ្ធផល អ្នករកស៊ីរបរដូចៗគ្នាមានចំនួនច្រើនហួសហេតុ ហើយទីបំផុតក៏ត្រូវខាតឡុងចុងបិទតូបទាំងអស់គ្នា។

ចំណុចគ្រោះថ្នាក់ធំបំផុត ដែលបង្កឡើងដោយវប្បធម៌លួចចម្លង គឺការបាត់បង់គំនិតច្នៃប្រឌិត ពីព្រោះថា ទម្លាប់លួចចម្លងនេះធ្វើឲ្យមនុស្សខ្ជិលច្រអូសក្នុងការរិះរកគំនិតថ្មីៗ។ ម្នាក់ៗប្រាកដជានាំគ្នាគិតថា តើចាំបាច់ត្រូវខិតខំរិះគិតរកគំនិតថ្មីនាំឲ្យឈឺក្បាលធ្វើអ្វី បើគេអាចចម្លងស្នាដៃអ្នកដទៃ ហើយយកមកដាក់ឈ្មោះជាស្នាដៃខ្លួនឯងបានយ៉ាងងាយស្រួលនោះ?

ម្យ៉ាងវិញទៀត អ្នកដែលមានចិត្តឧស្សាហ៍ព្យាយាម និងមានគំនិតល្អៗ ក៏មិនសូវជាមានទឹកចិត្តក្នុងការបង្កើតស្នាដៃថ្មីៗដែរ ប្រសិនបើអ្នកនោះដឹងថា កម្មសិទ្ធិបញ្ញារបស់គាត់មិនទទួលបាននូវការការពារម៉ត់ចត់ ហើយស្នាដៃរបស់គាត់អាចនឹងត្រូវគេលួចចម្លងតាមដោយគ្មានទោសពៃរ៍អ្វីនោះ។

ជារឿយៗ គេតែងតែឮសាស្រ្តាចារ្យ ឬបញ្ញវ័ន្តខ្លះ ដែលជាអ្នកចេះដឹងខ្ពង់ខ្ពស់ ហើយមានគំនិតល្អៗ ចេះតែនាំគ្នារអ៊ូថា ពួកគាត់ក៏មានបំណងចង់សរសេរសៀវភៅ ដើម្បីផ្ទេរចំណេះដឹងដល់អ្នកដទៃទៀតដែរ ក៏ប៉ុន្តែ មិនមានទឹកចិត្តនឹងធ្វើ ដោយសារតែពួកគាត់ដឹងថា សៀវភៅដែលគាត់និពន្ធ ហើយបោះពុម្ពចេញទៅនេះ ប្រាកដជានឹងត្រូវគេលួចចម្លងព្រោងព្រាត ហើយម្ចាស់ដើមវិញរកតែប្រាក់ចំណូល ដើម្បីបង់ឲ្យរោងពុម្ពក៏សឹងមិនបានផង កុំថាឡើយដល់កម្រៃនៃកម្លាំងប្រាជ្ញា និងពេលវេលាដែលខំសរសេរ។

សួរថា តើទាំងអស់នេះជាកំហុសរបស់អ្នកណា? ការទទួលខុសត្រូវខ្ពស់ជាងគេ គឺប្រាកដជាត្រូវធ្លាក់ទៅលើអ្នកថតចម្លង ដែលជាអ្នកប្រព្រឹត្តល្មើសទាំងច្បាប់ជាធរមាន (ច្បាប់ស្តីពីកម្មសិទ្ធិបញ្ញា) និងខុសពីក្រមសីលធម៌នៃវិជ្ជាជីវៈ ហើយសម្រាប់សិស្សនិស្សិត គឺល្មើសនឹងបទបញ្ជាផ្ទៃក្នុងរបស់សាលា។

អ្នកដែលមានការទទួលខុសត្រូវដ៏ធំមួយទៀត គឺអាជ្ញាធរដែលមានសមត្ថកិច្ចអនុវត្តច្បាប់ ហើយដែលជាអ្នកមានភារៈការពារកម្មសិទ្ធិបញ្ញារបស់ប្រជាជនទូទៅ។ នៅតាមសាលាវិញ លោកគ្រូអ្នកគ្រូ អនុរក្ស ឬមន្រ្តីផ្សេងទៀត ដែលមានភារៈត្រួតពិនិត្យការប្រឡង ក៏ត្រូវមានចំណែកទទួលខុសត្រូវយ៉ាងធំផងដែរ ពីព្រោះថា ការលួចចម្លងនៅក្នុងសាលានេះហើយ ដែលជាគ្រាប់ពូជបណ្តុះផ្នត់គំនិតថតចម្លង នៅក្នុងសង្គមទាំងមូល។

ចុងក្រោយ គេក៏មិនត្រូវភ្លេចដែរ អំពីចំណែកទទួលខុសត្រូវរបស់អ្នកដែលទិញ និងប្រើប្រាស់ស្នាដៃថតចម្លង ពីព្រោះថា អ្នកទាំងអស់នេះហើយ ដែលជាអ្នកបង្កើតឲ្យមានតម្រូវការទីផ្សារនៃស្នាដៃថតចម្លង៕

—
Source: សេងឌីណា / RFI

Opinion & Reflection | seuksa | July 8, 2014 | Leave a comment | 2014 Bac II Cambodia Copy Right Khmer Opinion

ការប្រលងបាក់ឌុបឆ្នាំនេះ ជាវិញ្ញាសារសាកល្បងគុណភាពអប់រំ

មែនសម្រាប់ខ្ញុំការប្រលងបាក់ឌុបឆ្នាំនេះ ពិតជាវិញ្ញាសារសាកល្បងគុណភាពអប់រំនៅកម្ពុជា ជាវិញ្ញាសារជូនលោករដ្ឋមន្ត្រីថ្មីនៅក្រសួងអប់រំ និងជាអ្វីមួយ ដើម្បីបង្ហាញពីទស្សនវិស័យនៃពាក្យថា៖ “ការកែទម្រង់ស៊ីជម្រៅ” របស់រដ្ឋាភិបាល។

ឆ្នាំនេះផ្នែកឧត្តមសិក្សា ក៏មានការផ្លាស់ប្តូររបៀបទទួលស្គាល់សញ្ញាប័ត្រ ដោយដាក់បន្ទុកទៅសាកលវិទ្យាធិការ ជំនួសរដ្ឋមន្ត្រីក្រសួងអប់រំវិញ។ ឯនៅខាងតុទិយភូមិឯណោះវិញ ការផ្លាស់ប្តូរប្រព័ន្ធពិន្ទុ ការពង្រឹងការអប់រំពីអំពើពុករលួយដល់គ្រូៗ ការប្រកាស់អោយមានការចូលរួមពីសង្គមស៊ីវិលដើម្បីប្រឆាំងអំពើពុករលួយពេលប្រលងជាដើម។

ករណីនេះ បើក្រសួងពិតជាបានអនុវត្តត្រឹមត្រូវមែននោះ គុណភាពការអប់រំពីមូលដ្ឋាននឹងត្រូវបានពង្រឹងយ៉ាងពិតប្រាកដ។ សូមជូនពរ!

ពង្រឹងការគ្រប់គ្រងការប្រលងដោយយុត្តិធម៌ គឺជាក្តីប្រាថ្នាដ៏ពិតប្រាកដរបស់សិស្សានុសិស្ស ឳពុកម្តាយ គ្រូ និងសង្គមជាតិ។

បើគ្មានការប្រលងត្រឹមត្រូវ គ្មានទេគុណភាពធនធានមនុស្សពិតប្រាកដនោះ។

ហេតុនេះ ឆ្នាំនេះ សូមប្អូនត្រៀមខ្លួនអោយបានល្អសម្រាប់ការប្រលងឆ្នាំនេះ។
សង្ឃឹមថាវិញ្ញាសារនេះ នឹងទទួលបានជោគជ័យទាំងអស់គ្នា។

Opinion & Reflection | seuksa | March 25, 2014 | Leave a comment | 2014 Bac II Exam High School Opinion

No Signature Anymore, Ministry of Education, Cambodia

Prime Minister Hun Sen just announced recently at Koh Pech that no longer allows “Minister” of Ministry of Education signs any higher education diploma anymore, the rector of each University will handle the signation in order to control and responsible the quality of education himself.

This move for me could be marked as one of the history in education system in Cambodia since the new Kingdom after Khmer rough regime. Of course, it’s hard to comment but I feel it’s too fast decision, unclear road map and difficult to make public opinion to accept and trust on some universities without quality control.

Anyway, it’s happening.

How do you think?

Opinion & Reflection | seuksa | February 13, 2014 | Leave a comment | Cambodia Higher Education University

Phnom Penh

Kandal

Kratie

Prey Veng

Oudor Meanchey

Kampong Speu

Battambang

Preah Sihanouk

Preah Vihea

Kampong Thom

Svay Rieng

Ratanakiri

Mondulkiri

Pursat

Siem Reap

Kep

Kampong Cham

Kampong Chhnang

Koh Kong

Takeo

Pailin

Kampot

Steng Trieng

Banteay Meanchey

Share this:

Share this:

Share this:

Share this:

Share this:

Share this:

ទិដ្ឋភាពទូទៅឆ្នាំនេះ

ទស្សនៈខ្ញុំ

Share this:

Share this:

Share this:

Share this:

Subscribe to Blog via Email

Recent Posts

Khmer Exercise

Nitean (Books)